போட்டோஷாப்பில் Spot Healing Brush Tool உடன் உள்ள உப டூல் PATCH TOOL ஆகும்.சரி... இதன் மூலம் என்ன செய்யலாம். சேதமான பகுதியை எடுத்துவிட்டு நல்ல பகுதியை பொருத்தலாம். நீங்கள்பிளாஸ்டிக் சர்ஜரியை பற்றி கேள்விப்பட்டிருப்பீர்கள்.
நமது உடலிலிருந்து நல்லபகுதியை எடுத்து தேவையான பகுதியில் பொருத்துவார்கள். அதுபோல் இந்த டூல் மூலம் நமது முகத்தில் மேடு பள்ளமோ - வெட்டுக்காயமோ - முகப்பருவோ - இருந்தால் இதன் மூலம் ச்ரிசெய்யலாம். சென்ற பதிவில் முகப்பருவை நீக்குவது பற்றி போட்டு விட்டதால் இன்றைய பதிவில் வேறு உபயோகத்தினை பார்க்கலாம். முகப்பரு - வெட்டுக்காயம் - மேடு பள்ளம் நீக்குதலுக்கும் இந்த டூல் மிகவும் பயன்படும். கீழே உள்ள படத்தை பாருங்கள்.
 .

இந்த படத்தில் உள்ள மீன்கொத்திப் பறவை நமக்கு தேவையில்லை.அதை எப்படி நீக்கலாம் என இப்போது பார்க்கலாம்

இந்த டூலை தேர்வு செய்து கொள்ளுங்கள். உங்களுக்கு சதுரமாக கர்சர் மாறும். பின்னர் படத்தின் அருகே வைத்து வரைந்து கொண்டு வாருங்கள்.கோடு பொட்டது மாதிரி வருகின்றதா.... கீழே உள்ள படத்தை பாருங்கள்.

தேவையான பகுதியை முழுவதும் தேர்வு செய்த கோட்டினை நிறைவு செய்யுங்கள்.

இப்போது கர்சரை நடுவில் வைத்து அந்த பகுதியை மெதுவாக நல்ல பகுதிக்கு நகர்த்துங்கள். உங்கள் படம் கண்ணாடி போல் மாறி நல்ல பகுதி வருவதை காண்பீர்கள். கீழே உள்ள படத்தை பாருங்கள்.

எந்த இடம் தேவையோ அதுவரை நகர்த்தி பின் என்டர் தட்டுங்கள்.

இப்போது பாருங்கள் மீ்ன்கொத்தி காணமல் போயிருக்கும்.



இதைப்போல் தேவையில்லாத பகுதியை எடுத்துவிட்டு தேவையான பகுதியை சுலபமாக வைத்துவிடலாம். இதை நீங்களும் செய்து பாருங்கள். கருத்தினை கூறுங்கள்.

வேலன்.